Жамбыл облысында жаңа архив ғимараты ашылды
Жамбыл облысында 6 жылдан бері апатты ғимаратта отырған архив қызметкерлеріне жаңа нысан берілді. Бұған дейін Қордай ауданының мұрағатшылары 70 жыл бұрын салынған мектеп-интернатта жұмыс істеп келген. Ғимараттың қабырғасы жарылып, сылағы түкен. Әрі орын тапшы еді. Оған қоса 40 мың дерекке арналған архив толып, құжат саны 53 мыңға жетті. Салдарынан мамандар құжат қабылдай алмайтын болған. Бұл мәселені 4 ай бұрын жаңалықтарымызда көрсеткен едік. Енді міне мәселе шешілді. «Архив-2025» мемелкеттік бағдарламасы аясында салынған жаңа нысан 200 мың құжатты сақтауға арналған.