Ақтөбеде тасқыннан зардап шеккендердің өтініштері қабылданып жатыр
Ақтөбеде арнайы комиссия су тасқынынан зардап шеккендердің өтініштерін қабылдап жатыр. Сарапшылар баспаналардан өзге, қарғын судан бүлінген мүліктерді де жіті тексеріп, есепке алып жүр.
Мәселен, су тиіп зақымданған кір жуу машинасының өндірушісі, салмағы және нарықтағы құны ескеріледі. Бір ғана Алматы ауданы бойынша тасқынға байланысты 2 837 отбасынан жергілікті әкімдікке шағым түскен.
Ал алдын ала мәлімет бойынша қалада 136 үй мен мыңнан астам саяжайды су басқан.
Ерғасыр Сегізбаев, техникалық зерттеу сарапшысы:
- Бұл жерде біздер үйдің конструкцияларын қараймыз. Судан қаншалықты зақым келді? Іргетасынан, одан кейін қабырғасы, төбесі, сол секілді ішкі әрлеу жұмыстары, едендеріне дейін қаншалықты зақым келгенін қараймыз. Құрылыс норма және ережелеріне сәйкес және де біз есеп жасаймыз оған. Біз одан кейін барып, қортындымызда ұсыныс береміз. Қандай жұмыс жасалу керек.