LIVE
Сейсенбі, 17 Қазан 2017 13:21

Еліміздің Қырғызстанмен шектесетін аймағындағы «Қордай» шекара бекетінде тәртіп бұзған 4 адам ұсталды.

Бізге түскен соңғы мәлімет бойынша кеше көршілес екі мемлекеттің 4 азаматы ұсталған. Оның үшеуі Өзбекстан, ал біреуі Қырғызстан азаматы болып шықты. Енді олар шекаралық тәртіпті бұзғаны үшін айыппұл төлейді. Ал көші-қон заңнамасын сақтамаған 8 адам жауапкершілікке тартылған. Олардың ішінде Өзбекстан, Тәжікстан, Қырғызстан және Ресей азаматтары бар. Қырғызстанда өткен президенттік сайлауға байланысты мемлекеттік шекарада адамдар мен көлік құралдарының саны азайған болатын. Ал кешелі бері олардың саны көбейіп, бұрынғы көрсеткішіне қайта орала бастады. Мысалы, өткен тәуліктерде шекарадағы бақылау өткізу бөлімдерінде 12 688 адам және 1730 көлік құралы тіркеліпті. Сонымен қатар оныншы қазаннан бастап Қазақстан-Қырғызстан шекарасында ветеринарлық бақылау да күшейтілген.

Ержан Ертуғанов, «Қордай» шекара бақылау бөлімінің бастығы:

– Қазіргі таңда «Қордай» шекара бақылау-өткізу бекетінде жағдай бірқалыпты. Мемлекеттік шекара арқылы өтетін тұлғалар, көлік құралдарының бәрі тексерілуде. Жоспарланған шекаралық операция әлі жалғастырылуда.

Сейсенбі, 17 Қазан 2017 13:13

Қарағанды облысының Нұра ауданына қарасты Ахмет ауылынан ұрланған жылқылар табылып, иесіне қайтарылды.

Барымташылар осыдан он шақты күн бұрын 93 бас жылқыны жайылымнан айдап кеткен. Жедел іздестіру шаралары кезінде ұрланған мал Ақмола облысының Аршалы ауданынан табылды. Бірақ қолды болған 93 бас жылқының тек 73-і аман, қалғаны жоқ. Қазір осы қылмыс бойынша төрт күдікті қамауға алынды. «Олардың басқа да мал ұрлығына қатысы болуы мүмкін», – дейді тәртіп сақшылары.

Дархан Мадин, Нұра аудандық ІІБ ТБ аға тергеушісі:

– Қазіргі таңда тергеу амалдары жүргізіліп жатыр. 4 күдікті адамды біз Нұра ауданы уақытша ұстау изоляторына қамадық. Сонымен қатар жетіспейтін жылқыларды қайда жіберуі мүмкін екенін анықтап, жауап алу жүргізіп жатырмыз.

Дүйсенбі, 16 Қазан 2017 10:12

ҚР Білім және ғылым министрлігі Ғылым комитетінің «Сейсмологиялық тәжірибелік әдістемелік экспедициясы» мемлекеттік мекемесінің сейсмикалық станциялар желісі 16 қазан күні 07 сағат 51 минут 36 секундта жер сілкінісін тіркеді.

Табиғи апаттың ошағы Алматыдан солтүстік-шығысқа қарай 574 км қашықтықта, Шығыс Қазақстан облысының аумағында болды. Жер сілкінісінің энергетикалық қуаты 8,7. Магнитудасы MPV 4.2. Зілзала ошағының координаттары 47.83° с.е. 80.17°ш.б. Кіндігі 10 шақырым тереңдікте болған.

kazinform

Қазақстан және әлем жаңалықтары

Әлеуметтік желілер

  1. TW
  2. FB
  3. BK

© 2017 «Хабар» агенттігі. Барлық құқықтары қорғалған.

Сайттың толық нұсқасы